७.८६ अंकले घट्यो नेप्से

काठमाडौं-  सेयर कारोबार मापक नेप्से परिसूचक बुधबार ७.८६ अंकले घटेको छ । मंगलबारको तुलनामा ०.३० प्रतिशतले घटेपछि समग्र नेप्से २ हजार ६ सय ६.२० विन्दुमा ओर्लेको छ । मंगलबार नेप्से करिब ७ अंकले बढे पनि त्यो वृद्धि बुधबारसम्म टिकेन ।

बुधबार कारोबारमा आएकामध्ये ७९ कम्पनीको सेयर मूल्य बढ्यो, १६९ कम्पनीको मूल्य घट्यो भने ९ कम्पनीको मूल्य स्थिर रह्यो । बुधबार सेयर मूल्य बढ्नेभन्दा घट्ने कम्पनीको संख्या धेरै भएकाले समग्र नेप्से घटेको हो ।

बुधबार कुल ९१ हजार ३ सय ९४ पटकको सेयर कारोबारमा ८६ लाख ४७ हजार ९ सय ४८ कित्ता सेयर किनबेच भए । ती किनबेचमा ३ अर्ब ७३ करोड ८७ लाख रुपैयाँबराबरको कारोबार भएको छ ।

अघिल्लो दिनको तुलनामा कारोबार रकम पनि घटेको हो । मंगलबार सेयर बजारमा ३ अर्ब ७५ करोड ५० लाख रुपैयाँबराबरको सेयर कारोबार भएको थियो ।

बुधबार कारोबारमा आएका १३ उपसमूहमध्ये सामूहिक लगानी कोषबाहेक सबैको परिसूचक घटेपछि समग्र नेप्सेमा गिरावट आएको हो ।