महिना दिनमै तानिए काठमाडौं सिडियो, रिजालको ठाउँमा पठाइयो पौडेल
कागजपत्र |
काठमाडौं — गृह मन्त्रालयले काठमाडौंका प्रमुख जिल्ला अधिकारी (सिडिओ) छबी रिजाललाई मन्त्रालयमा तानेको छ ।
बुधबार गृहमन्त्री ओमप्रकाश अर्यालले मन्त्रीस्तरीय निर्णय गर्दै सहसचिव इश्वराज पौडेललाई काठमाडौंको सिडियो जिम्मेवारी दिएका छन् ।
उद्योग, वाणिज्य तथा आपूर्ति मन्त्रालयमा कार्यरत पौडेललाई काठमाडौंको प्रमुख जिल्ला अधिकारीको जिम्मेवारी नै दिनेगरी केहि दिन अघि बसेको मन्त्रिपरिषद बैठकले मन्त्रालयमा सरुवा गरेर ल्याएको थियो ।
रिजालले एक महिना अघिमात्र काठमाडौंको प्रमुख जिल्ला अधिकारीको पद सम्हालेका थिए ।
रिजालले काठमाडौंमा गत भदौ ९ गते प्रमुख जिल्ला अधिकारीको जिम्मेवारी सम्हालेका थिए । उनले जिम्मेवारी सम्हालेको १५ दिन नपुग्दै जेनजीको आन्दोलन चर्किएको थियो ।
