उखुको बोटसहित सडकमा आउनु अत्यन्त दुःखदः डा. शेखर कोइराला

काठमाडौं – नेपाली कांग्रेसका नेता डा. शेखर कोइरालाले उखुको बोटसहित किसान सडकमा आउनु दुःखद भएको भन्दै उनीहरूको माग पूरा गर्न सरकारलाई आग्रह गरेका छन् ।

डा. कोइरालाले भनेका छन्, ‘उखुको बोट सहित किसान सडक आन्दोलनमा आउनु अत्यन्त दुःखद स्थिति हो । उनीहरूको माग तुरुन्त पुरा गरौँ ।’

उनले कृषिलाई प्राथमिकतामा राखेको भनेर किताबमा लेखेर र भाषणमा बोलेर मात्रै नहुने बताए ।

‘खेतीको बेलामा मल नपाउने, खेतमा हुनुपर्ने बेलामा किसान मल किन्न लाइनमा उभिनुपर्ने, उत्पादन भएको दूध सडकमा फाल्नुपर्ने, देशको प्रमुख नगदे बाली उखुमा कहिले भुक्तानी नपाउने, कहिले अनुदान कटौती गरिने, अनि हामी कसरी खाद्यान्नमा आत्मनिर्भर हुन सक्छौँ ? कृषिलाई सरकारले प्राथमिकतामा राखेको भनेर किताबमा लेखेर तथा भाषणमा बोलेर मात्रै हुन्छ र ?,’ डा. कोइरालाले सामाजिक सञ्जाल एक्समा लेखेका छन् ।