खोटाङमा प्रहरीले चिहानबाट दुई बालबालिकाको शव निकाल्यो
कागजपत्र |
खोटाङ- खोटाङमा प्रहरीले चिहानबाट दुई नाबालकको शव निकालेर पुनः पोस्टमार्टमको लागि पठाएको छ। दिप्रुङ चुइचुम्मा गाउँपालिका–३ का ११ वर्षीया मनिषा बस्नेत र उनका भाइ मेघराजको शव पोस्टमार्टम नगरी गाडिएको सूचना पाएपछि प्रहरीले कानुनी प्रक्रिया अनुसार शव उत्खनन गरेको हो।
साउन २२ गते विद्यालयबाट फर्किने क्रममा भीरबाट लडेका मनिषा र मेघराजको मृत्यु भएको थियो। आफन्तले दुर्घटनामा मृत्यु भएकाले पोस्टमार्टम आवश्यक नपर्ने भन्दै अन्तिम संस्कार गरी चिहान बनाइसकेका थिए।
तर प्रहरीले दुर्घटना वा आत्महत्यामा मृत्यु हुने घटनामा अनिवार्य पोस्टमार्टम गर्नुपर्ने कानुनी प्रावधान रहेको भन्दै शव निकाल्नुपरेको बताएको छ। शव उत्खननपछि स्थानीयवासीहरूले असन्तुष्टि जनाएका छन्।
