इजरायली आक्रमणपछि विश्वबजारमा कच्चा तेलको मूल्य १० प्रतिशतले बढ्यो

काठमाडौं— इजरायलले इरानमाथि आक्रमणको घोषणा गरेसँगै कच्चा तेलको मूल्य विश्वबजारमा आकस्मिक रूपमा बढेको छ। बीबीसीका अनुसार बेन्चमार्क तेल अनुबंधहरू  ब्रेन्ट क्रुड र निमेक्स लाइट स्वीटको मूल्यमा १० प्रतिशतभन्दा बढी वृद्धि भएको छ।

इरान र इजरायलबीचको तनावले इरानबाट हुने तेल आपूर्तिमा बाधा पुग्न सक्ने सम्भावनाले व्यापारीहरू चिन्तित भएका छन्। विश्लेषकहरूका अनुसार यो द्वन्द्वले कच्चा तेल मात्र नभई खाद्यान्नदेखि इन्धनसम्मको मूल्यमा व्यापक असर पार्न सक्छ।

कच्चा तेलको मूल्य ७० डलर प्रतिब्यारेलसम्म पुगेको छ, जुन पछिल्लो महिनाहरूको तुलनामा उल्लेखनीय वृद्धि हो। विश्लेषकहरू भन्छन्, “व्यापारीहरू इरानले बदला लिन्छ कि लिँदैन भन्ने विषयमा अझै सतर्क छन्।” यदि इरानले जवाफी कारबाही गर्‍यो भने बजारमा थप अस्थिरता आउन सक्ने अनुमान गरिएको छ।