पूर्व बडामहारानी रत्नलाई निमाेनिया, हाइ केयर युनिटमा सारियो

काठमाडाैं- अचानक अस्वस्थ भएपछि अस्पताल भर्ना गरिएकी पूर्व मुमा बडामहारानी रत्न राज्य लक्ष्मी शाहलाई हाइ केयरमा उपचार थालिएको छ ।

उपचारका क्रममा उनलाई निमोनिया देखिएपछि हाइ कियर युनिटमा सारिएको हो । ९७ वर्षिया शाहको स्वास्थ्यमा समस्या देखिएपछि उनलाई आइतबार साँझ नर्भिक अस्पताल लगिएको थियो ।

शाहको उपचारमा अस्पतालका कार्डियोलोजिस्ट डाक्टर यादव भट्टसहितको टोली खटिएको छ । परीक्षणको क्रममा उनलाई निमोनिया भएको उनको उपचारमा संलग्न चिकित्सकहरूलाई उल्लेख गर्दै उनको निजी सचिव शम्भु अधिकारीले बताए। अस्पतालका अनुसार उनको स्वास्थ्य अवस्था स्थिर छ ।

रत्न पूर्वराजा महेन्द्र शाहकी पत्नी हुन् । राजा ज्ञानेन्द्रको नारायणहिटीबाट बहिर्गमनपछि पनि उनी महेन्द्र मञ्जिलमै बस्दै आएकी छन् ।