दुई संसदीय समितिको बैठक बस्दै

काठमाडौं – आज दुई वटा संसदीय समितिको बैठक बस्दै छ । जसअनुसार बिहान ८ बजे संसदीय सुनुवाइ समितिको बैठक बस्दै छ ।

बैठकमा प्रस्तावित सर्वोच्च अदालतका न्यायाधीशद्वय नृपध्वज निरौला र नित्यानन्द पाण्डेको सुनुवाइ हुनेछ ।

साथै बेल्जियमका लागि प्रस्तावित राजदूत सेवा लम्सालमाथिको सुनुवाइ पनि हुने बताइएको छ ।

त्यस्तै बिहान साढे ११ बजे बस्ने विकास, आर्थिक मामिला तथा सुशासन समितिको बैठकमा नेपालमा उत्पादित सुपारी निर्यातबारे छलफल हुनेछ ।