सलमान खानलाई ‘नछोड्ने’ भन्दै धम्की दिने बरेलीका युवक पक्राउ
कागजपत्र |
नयाँ दिल्ली- बलिउड अभिनेता सलमान खानलाई धम्की दिएको आरोपमा मुम्बई प्रहरीले नोएडाबाट एक आरोपीलाई पक्राउ गरेको छ । नोएडाको गौतम बुद्ध नगरमा सिकर्मीको काम गर्दै आएका १८ वर्षका मोहम्मद तैयब पक्राउ परेकाे बताइएकाे छ ।
अभियुक्त युवकले मुम्बई प्रहरीको कन्ट्रोल रुममा ‘म सलमान खानलाई छोड्ने छैन’ भन्दै टेक्स्ट म्यासेज गरेका थिए । त्यसछि मुम्बई प्रहरीले मोबाइल नम्बरबाट धम्की दिने व्यक्तिको खोजी सुरु गरेकाे थियाे ।
बरेलीका मोहम्मद तैयब दिल्लीमा काकासँग बस्दै आएका थिए । मुम्बई प्रहरीले आरोपी युवकलाई सुरजपुर अदालतमा लगेको छ । मुम्बई प्रहरीले थप अनुसन्धान गर्ने बताइएको छ । स्रोतका अनुसार मुम्बई पुलिसको टोली दिल्लीस्थित आरोपीको काकाको घरमा छापा मारिरहेका छन् । ।
