हुम्लामा बोलेरो जिप दुर्घटना हुँदा दुई जनाको मृत्यु
कागजपत्र |
हुम्ला- हुम्लाको ताजाँकोट गाउँपालिका–२ पुईमामा बोलेरो जिप दुर्घटना हुँदा दुई जनाको मृत्यु भएको छ ।
मृत्यु हुनेमा बाँकेको नेपालगञ्ज उपमहानगरपालिका-२० राजा बस्ने वर्ष ४९ कि विष्णु परियार र हुम्लाको चंखेलि गाउँपालिका-६ का ५ वर्षीय अविशेक बुढा रहेका छन्।
शनिबार दिउँसो कर्णाली करिडोर हुम्लाको सर्केगाड गाउँपालिका सर्केगाड बजारबाट बाजुरातर्फ जाँदै गरेको लु १ ज ३०४३ नम्बरको जिप दुर्घटनामा परेको हो ।
गियर बक्स बिग्रेर रोकेको अवस्थामा सडकबाट ब्याक भई ३०० मिटर तल खसेको जिल्ला प्रहरी कार्यालय हुम्लाका प्रहरी निरीक्षक सुरेश सुवेदीले जानकारी दिए ।
उक्त जिपमा चालक सहित सात जना सवार थिए ।
