दिल्ली उड्नै लागेको जहाज ‘पार्किङ वे’मा फर्कियाे
कागजपत्र |
काठमाडौं- १६१ जना यात्रु लिएर दिल्ली उड्नै लागेको भिस्तारा एअरलाइन्सको विमान डाइभर्ट गरिएको छ । ११:३० बजे दिल्लीतर्फ उडान भर्न लागेको भिस्ताराको ‘यूके–१५८’ विमान धावनमार्गको टेकअफ विन्दुमा पुगेर पुन पार्किङ वेमै फर्काइएको हो ।
विमानमा बसेका एक डायबिटिजका बिरामीको सुगर एकाएक बढेर अप्ठ्यारो भएपछि डाइभर्ट गरिएको त्रिभुवन अन्तर्राष्ट्रिय विमानस्थलका प्रवक्ता रिन्जी शेर्पाले जानकारी दिए ।
यात्रुलाई जहाजबाट झारे लगत्तै एम्बुलेन्समा राखेर सिनामंगलस्थित काठमाडौं मेडिकल कलेजमा पठाइएको छ । बिरामीलाई झारेर विमान दिल्ली उडिसकेको छ ।
