डोटीमा सर्पले डसेर एक महिलाको मृत्यु
कागजपत्र |
डोटी – डोटीमा सर्पले डसेर एक महिलाको मृत्यु भएको छ ।
जिल्लाको आदर्श गाउँपालिका-१ बाँझ बस्ने धन बहादुर खड्काकी श्रीमती वर्ष २७ की निर्मला खड्काको सर्पको टोकाईबाट शनिवार मृत्यु भएको जिल्ला प्रहरी कार्यालय डोटीका प्रहरी नायब उपरीक्षक भिमलाल भट्टराईले जानकारी दिए ।
घर नजिकै खेतमा घाँस काट्ने क्रममा बायाँ खुट्टामा डसेर घाइते भएकी खड्कालाई उपचारका क्रममा जिल्ला अस्पताल डोटीमा ल्याइएको थियो ।
उपचारको क्रममा साँझ ६ बजेतिर मृत्यु भएको प्रहरी नायब उपरीक्षक भट्टराईले बताए ।
