अपडेट: ढुंगा खस्दा पल्टिएको बसमा सवार १९ जना घाइते

पोखरा –चितवनको भरतपूरमा यात्रुवहाक बस दुर्घटना हुँदा १९ जना घाइते भएका छन्।

शुक्रबार दिउँसो गौरदेखि पोखरा आउँदै गरेको ग २ ख ४७ नम्बरको यात्रुवहाक बस भरतपूर महानगरपालिका–१९ सत्रकिलोमा दुर्घटना भएको हो।

जिल्ला प्रहरी कार्यालय चितवनका सूचना अधिकारी डिएसपी भेषबहादुर रिजालका अनुसार बस दुर्घटनामा १९ जना घाइते भएका छन् । तीमध्ये ९ जनाको भरतपूर जिल्ला अस्पताल र १० जनाको पूरानो मेडिकल कलेज भरतपूरमा उपचार भइरहेको छ । २ जना गम्भिर घाइते भएको उनले बताए।

सडकमाथिबाट ढुंगा खसेपछि चालक अत्तालिएर तीव्र गतिमा गुँडिरहेको बस सडकमै पल्टिएको डिएसपी रिजालको भनाइ छ ।

बस सडकमै पल्टिदा केहीबेर सडक अबरुद्ध भएको थियो । अहिले भने अबरुद्ध सडक सुचारु भएको छ ।