ललितपुरका थप दुई जनामा हैजा पुष्टि

काठमाडौँ- ललितपुरका थप दुई जनामा हैजा पुष्टि भएको छ । स्वास्थ्य तथा जनसङ्ख्या मन्त्रालयको इपिडिमियोलोजी तथा रोग नियन्त्रण महाशाखा (ईडीसीडी) का अनुसार २४ घण्टामा ललितपुरका दुई जनामा हैजा सङ्क्रमण पुष्टि भएको हो ।

योसँगै देशभर हैजा सङ्क्रमित सङ्ख्या २५ जना पुगेको छ । काठमाडौँ उपत्यकाका दुई जिल्ला काठमाडौँको टोखाका १ जनामा र ललितपुरका १६ जनामा हैजा सङ्क्रमण देखिएको ईडीसीडीले जनाएको छ ।

उता कैलाली जिल्लाको धनगढी उपमहानगरपालिकाको ८ जनामा हैजा सङ्क्रमण पुष्टि भएको छ ।