काला खोलाले अटो बगाउँदा २ बेपत्ता, ३ को उद्धार

तुलसीपुर – दाङमा अटोमा चढेका दुई जनालाई खोलाले बगाएको छ ।

शुक्रबार साँझ ७ः३० बजेतिर तुलसीपुरबाट खाद्रेतर्फ जाँदै गरेको अटो काला खोलाले बगाउँदा दुई जना बेपत्ता भएको इलाका प्रहरी कार्यालय तुलसीपुरका प्रहरी नायब उपरीक्षक ठाकुरप्रसाद पोखरेलले बताए।

तुलसीपुर उपमहानगरपालिका–४ खाद्रेतर्फ जाँदै गर्दा अटो खोलाले बगाएको हो । अटोमा सवार पाँच जनामध्ये तीन जना सकुसल रहेका छन् । घटनाबारे विस्तृत विवरण आउन बाँकी छ ।

अविरल वर्षाका कारण दाङका नदी तथा खोलामा पानीको बहाव बढेको छ ।