वायुसेवा निगमका दुई क्याप्टेनको शैक्षिक प्रमाणपत्रमाथि शंका, अख्तियारले छानबिन गर्दै
कागजपत्र |
काठमाडौं- अख्तियार दुरुपयोग आयोगले नेपाल वायुसेवा निगमका दुई विमान चालकहरू (क्याप्टेन)काे शैक्षिक योग्यताका प्रमाणपत्रमा कैफियत देखिएकाे शंका गरेकाे छ । क्याप्टेन नगेन्द्र भट्टराई र निपेन्द्र भट्टराईको प्रमाणपत्र तहको शैक्षिक योग्यताका प्रमाणपत्रमाथि प्रश्न उठेको भन्दै अख्तियारले छानबिन सुरू गरेकाे हाे ।
आयोगले पटक–पटक नेपाल वायुसेवा निगमलाई दुवैकाे शैक्षिक प्रमाणपत्र उपलब्ध गराउन आग्रह गरिसकेकाे छ । तर, निगमले कार्यालयको अभिलेखमा नभएको भनेर पत्र लेखेकाले गरेकोले अख्तियारले शंका गर्ने बाटाे खुलेकाे हाे ।
नेपाल नागरिक उड्डयन प्राधिकरणले सन् २००१ जनवरी देखि विमान चालकको शैक्षिक योग्यता प्रमाणपत्र तह विज्ञान वा सो सरहको हुनुपर्ने उल्लेख गरेकाे छ । तर, नगेन्द्र भट्टराई र निपेन्द्र भट्टराईले सो प्रमाणपत्र पेस गर्न नसकेपछि अख्तियारले छानबिन थालेको हो ।
