आगामी तीन दिन यी नदीमा बाढीको सम्भावना, सतर्कता अपनाउन आग्रह

काठमाडाैं- आगामी तीन दिन नदीहरुमा पानीको सतह बढेर बाढीको जोखिम हुने जल तथा मौसम विज्ञान विभागअन्तर्गतको बाढी पूर्वानुमान महाशाखाले जनाएको छ ।

महाशाखाले आज बिहान सूचना निकालेर आउँदो तीन दिन कोशी, नारायणी, कर्णाली र यसका सहायक नदीमा तथा बाग्मती, कमला, पूर्वी राप्ती, पश्चिम राप्ती र बबईको जलसतह उल्लेख्य रूपमा बढ्ने भन्दै नदी तटीय क्षेत्रका क्रियाकलापमा उच्च सतर्कता अपनाउन अनुरोध छ ।

केही दिनदेखि पानी निरन्तर परिरहेको र नदीमा पानीको सतह बढिरहेकोले यस बेला सामान्य पानी पर्दा पनि बाढीको जोखिम हुन सक्ने महाशाखाले जनाएको छ ।

असार १६
आगामी ३ दिन कोशी, नारायणी, कर्णाली र यसका सहायक नदिहरुमा तथा बागमती, कमला, पूर्वी राप्ती, पश्चिम राप्ती र बबई को जलसतह उल्लेख्य बढ्दो हुने पूर्वानुमान रहेकाले नदी तटीय क्षेत्रका कृयाकलापमा उच्‍च सतर्कता अपनाउन अनुरोध छ। @NDRRMA_Nepal pic.twitter.com/ud1MbCyUWS

— Nepal Flood Alert! नेपाल बाढी सूचना! (@DHM_FloodEWS) June 30, 2024