काठमाडौँ महानगरपालिकाद्वारा शोध सुपरिवेक्षकका लागि आवेदन आव्हान
कागजपत्र |
काठमाडौँ – काठमाडौँ महानगरपालिका अनुसन्धान शोधवृत्तिमा छानिएका शोधकर्ताहरूलाई सहजीकरण गर्न शोध सुपरिवेक्षकका लागि आवेदन आव्हान गरिएको छ ।
स्नातकोत्तर तह उत्तीर्ण शैक्षिक योग्यता भएका र स्नातकोत्तर तह उत्तीर्ण भएपछि १० बर्ष काम गरेको अनुभव भएका व्यक्तिहरूले व्यक्तिगत विवरण र आवेदन दिन सक्ने सहरी योजना आयोगका सदस्य इञ्जिनियर शैलेन्द्र झाले जानकारी दिए । शैक्षिक योग्यता र अनुभवका आधारमा व्यवस्थापन तथा सञ्चालन समितिले छनोट गर्नेछ ।
अनुसन्धानकर्तालाई अनुसन्धानको डिजाइन/विधि, सूचना संकलन तथा विश्लेषण र प्रतिवेदनको समीक्षाका लागि प्राविधिक सहयोग पुर्याउने उद्देश्यले सुपरिवेक्षकबाट आवेदन माग गरिएको हो ।
हरेक अनुसन्धानकर्तालाई आयोगभित्र वा बाहिरका विज्ञहरूमध्येबाट एक जना सुपरिवेक्षक तोक्ने कार्यविधिमा उल्लेख छ । यसबमोजिम माग गरिएको आवेदन असार ११ गते मंगलबार कार्यालय समयभित्र kathmanducpc@gmail.com मा पठाउन सकिनेछ ।
