‘चेकिङ’ गर्ने ट्राफिक प्रहरीलाई नै मोटरसाइकलले दियो ठक्कर, ३ जना घाइते

काठमाडौं- मकवानपुरमा ‘चेकिङ’मा रहेका ट्राफिक प्रहरीलाई मोटरसाइकलले ठक्कर दिँदा तीनजना घाइते भएका छन् । उक्त दुर्घटना भएको प्रहरीले जनाएको छ ।

बिहीबार अपराह्न बकैया गाउँपालिका–४, गोठखोलामा  गरगरेबाट छतिवनतर्फ आउँदै गरेको वाग्मती प्रदेश ०३–००४ प ४४५३ नम्बरको मोटरसाइकलले ठक्कर दिएको थियो ।

ठक्करबाट चेकिङमा रहेका अस्थायी ट्राफिक प्रहरी पोस्ट हात्तीसुँडेमा कार्यरत ३२ वर्षीय ट्राफिक प्रहरी जवान पदम रानामगर ठक्करबाट घाइते भएका छन् । उनकाे ललितपुरको ग्वार्कोस्थित बीएन्डबी अस्पतालमा उपचार भइरहेकाे छ ।

यस्तै मोटरसाइकलका चालक बकैया–७ का ३९ वर्षीय उमेश लामिछाने र त्यसमा पछाडि सवार सोही स्थानका २४ वर्षीय सुरेश गौतमलाई पनि सामान्य चोट लागेको थियो ।

मापसे गरेका मोटरसाइकलका चालकले र मोटरसाइकल नियन्त्रणमा छन् ।