ढल्यो गण्डकी सरकार, मुख्यमन्त्री अधिकारीको विश्वासको मत असंवैधानिक

काठमाडौं – गण्डकी प्रदेशमा खगराज अधिकारी नेतृत्वको सरकार ढलेको छ ।

सर्वोच्च अदालतले नेपाली कांग्रेस संसदीय दलका नेता सुरेन्द्रराज पाण्डेको रिट जारी गरिदिएसँगै अधिकारी नेतृत्वको सरकार ढलेको हो ।

सर्वोच्चले मुख्यमन्त्री अधिकारीले लिएको विश्वासको मतलाई असंवैधानिक घोषणा गरेको छ । सर्वोच्चका न्यायाधीशद्वय कुमार रेग्मी र सुनिलकुमार पोखरेलको इजलासले पाण्डेयको माग बमोजिम हुनेगरी फैसला गरेको हो ।

सर्वोच्चको यो फैसलासँगै मुख्यमन्त्री अधिकारीले पद गुमाएका छन् । नेकपा एमालेबाट मुख्यमन्त्री भएका अधिकारीले ६० सदस्य प्रदेश सभामा ३० जनाको मत पाएका थिए ।

उनको विश्वासको मतलाई सभामुखले बहुमत भनी सदर गरेपछि नेपाली कांग्रेसले सर्वोच्चमा मुद्दा दायर गरेको थियो ।