सुनको मूल्यले फेरि राख्यो ‘रेकर्ड’
कागजपत्र |
काठमाडौं- सुनको मूल्य फेरि ‘रेकर्ड’ कायम गरेको छ ।
चैत ८ गते ‘रेकर्ड’ कायम गर्दै १ लाख २७ हजार ८ सय रुपैयाँ पुगेको सुनको मूल्यले बिहीबार नयाँ ‘रेकर्ड’ कायम गरेको हो ।
बुधबारको तुलनामा बिहीबार सुनको मूल्य ११ सय रुपैयाँले बढ्दा चाँदीमा प्रतितोला २० रुपैयाँको बढोत्तरी आएको नेपाल सुनचाँदी व्यवसायी महासंघले जनाएको छ ।
महासंघका अनुसार बिहीबार छापावाल सुन तोलाको १ लाख २७ हजार ९ सय रुपैयाँ हुँदा तेजाबी सुन १ लाख २७ हजार ३ सय रुपैयाँ छ।
चाँदीको मूल्य बिहीबार तोलाको १ हजार ५१० रुपैयाँ पुगेको छ ।
