टुटलका संस्थापक भट्टलाई रिहा गर्न काठमाडौं अदालतको आदेश
कागजपत्र |
काठमाडौं- काठमाडौं जिल्ला अदालतले टुटलका संस्थापक शिक्षित भट्टलाई रिहा गर्न आदेश दिएको छ ।
न्यायाधीश शकुन्तला कार्कीको इजलासले भट्टलाई हाजिर जमानीमा रिहा गर्न आदेश दिएको हो ।
म्याद थपका लागि अदालतमा पेश गर्दा वरिष्ठ अधिवक्ताद्वय लवकुमार मैनाली र सूर्यप्रसाद कोइरालाले बहस गरेपछि उनलाई थुना बाहिरै राखेर अनुसन्धान गर्ने आदेश भएको हो ।
प्रतिलिपि अधिकारको उल्लंघन र आपराधिक विश्वासघात गरेको आरोपमा जाहेरी परेपछि उनलाई जिल्ला प्रहरी परिसर काठमाडौंले पक्राउ गरेको थियो ।
