राष्ट्रियसभाको उम्मेदवार टुंगो लगाउन जसपाको बैठक सुरु
कागजपत्र |
काठमाडौं – जनता समाजवादी पार्टी (जसपा)को कार्यकारिणी समितिको बैठक सुरु भएको छ ।
राष्ट्रियसभाको उम्मेदवार टुगों लगाउन समितिको बैठक सुरु भएको हो ।
सत्ता गठबन्धनमा राष्ट्रियसभाका लागि सिटको टुंगो लागेपछि सो पार्टीको उम्मेदवार चयन गर्न बालकुमारीस्थित पार्टी कार्यालयमा कार्यकारिणी समितिको बैठक बसिरहेको छ।
मधेश प्रदेशबाट सो पार्टीले एकजना महिला उम्मेदवार पाउने भएको छ । सत्ता गठबन्धनको बैठकमा भएको सीट बाँडफाँटबाट जसपाले एक सीट मात्र पाउने भएको हो ।
खाली भएको महिला सिट उसले पाउने भएको हो । सत्ता गठबन्धनको बैठकले गरेको बाँडफाँटको विषयमा पनि कार्यकारिणी समितिको बैठकमा छलफल हुनेछ ।
जसपाले दुई सीट दावी गर्दै आइरहेको थियो ।
