विराटनगरको कवाडी गोदाममा आगलागी, ३ जनाको अवस्था गम्भीर

विराटनगर – विराटनगर–७ मा रहेको एक कवाडी गोदाममा आगलागी भएकाे छ ।

विराटनगर ७ को सातघुम्तीमा रहेको कवाडी गोदाममा आगलागी हुँदा पाँच जना घाइते भएका छन् । आगलागीमा परी घाइते भएकामध्ये ३ जनाको अवस्था गम्भीर रहेको प्रहरीले जनाएको छ ।

घटनास्थलमा विराटनगर महानगरपालिकाको दमकल, स्थानीय र प्रहरीको सहयोगमा आगलागी नियन्त्रणको प्रयास भइरहेको छ । आगलागी हुनुको कारण भने खुलेको छैन ।

मोरङ प्रहरीका प्रवक्ता डीएसपी रन्जन कुमार दाहालले घाइतेमध्ये चार जनाको उपचार विराटनगरस्थित न्यूरो हस्पिटल र एक जनाको कोशी अस्पतालमा उपचार भइरहेको  बताए ।