नाचगान गर्दै आन्दोलनमा शिक्षकहरू
कागजपत्र |
काठमाडौं – विद्यालय शिक्षा विधेयकको विरोधमा आन्दोलनरत शिक्षकहरुले आज तेस्रो दिन पनि प्रदर्शनलाई निरन्तरता दिएका छन् ।
शिक्षकहरुको छाता सङ्गठन नेपाल शिक्षक महासङ्घले असोज ३ गतेदेखि आन्दोलन सुरु गरेको हो ।
माइतीघरमा जम्मा भएर शिक्षकहरुले नयाँबानेश्वरसम्म प्रदर्शन गर्दैछन् । प्रदर्शनकै क्रममा शिक्षकहरुले सडकमै नाचगान गरेका छन् ।
संसदमा दर्ता भएको शिक्षा विधेयकमा महासङ्घले विभिन्न १८ बुँदे असहमति प्रकट गरेको छ ।
जसमा सरुवा बढुवा, दरबन्दी, स्थानीय पालिकाअन्तर्गत नबस्नेसहितका माग छन् ।
सो माग पूरा नभएसम्म आन्दोलन नरोकिने महासङ्घले चेतावनी दिएको छ ।
