दुर्घटनामा परि घाइते भएका प्रहरी जवान डाउकाको मृत्यु
कागजपत्र |
कैलाली – कैलालीमा ट्याक्टरले मोटरसाइकललाई ठक्कर दिँदा घाइते भएका प्रहरी जवानको मृत्यु भएको छ ।
गत साउन १४ गते आइतबार साँझ पूर्वपश्चिम राजमार्गअन्तर्गत गोदावरी नगरपालिका–३ को चौकीडाँडामा सुपप्र ०१०११ प ७३२० नम्बरको मोटरसाइकललाई सुपप्र ०१ ००२ त ६४१९ नम्बरको ट्याक्टरले ठक्कर दिएको थियो ।
उक्त ट्याक्टरको ठक्करबाट अस्थाइ प्रहरी पोष्ट राजपुर डोटीमा कार्यरत प्रहरी जवान हेमराज डाउका गम्भीर घाइते भएका थिए । उनको घर बझाङको तल्कोट हो ।
उनको मायामेट्रो अस्पतल धनगढीमा उपचारका क्रममा हिजो मृत्यु भएको जिल्ला प्रहरी कार्यालय कैलालीले जनाएको छ ।
