समावेशिताका विषयमा कांग्रेस प्रतिवद्ध छ : सभापति देउवा
कागजपत्र |
काठमाडौं – सत्तारुढ नेपाली कांग्रेसका सभापति शेरबहादुर देउवाले कांग्रेस समावेशी, समानुपातिक, आदिवासी, जनजाति, सबैको पार्टी भएको बताएका छन् ।
आज (शनिबार) काठमाडौंमा आयोजित कांग्रेसनिकट तमू संघ वागमती प्रदेशको भेलालाई सम्बोधन गर्दै उनले यस्तो बताएका हुन् । उनले नेपाल आदिवासी, जनजाति, दलित, थारु, मुस्लिम सबैको देश भएको बताए ।
उनले सबै आदिवासी जनजातिहरु सहभागिता, समर्थनमा मात्रै नभई पार्टीप्रति प्रतिवद्ध हुन जरुरी रहेको उल्लेख गर्दै नेपाली कांग्रेसमा सबै जनताको सहभागिता आवश्यक रहेको जनाए । सभापति देउवाले सबैलाई सँगै र साथमा लिएर हिँड्न कांग्रेस तयार रहेको बताए ।
उनले सबै मिलेर मात्रै देशको विकास र समृद्धिका लागि काम गर्न सकिने बताए । सभापति देउवाले कांग्रेसले विधानमै व्यवस्था गरेर संविधानले प्रबन्ध गरेका समावेशी समूहका आधारमा केन्द्रीय कार्यसमितिमा प्रतिनिधित्वको सुनिश्चतता गरेको बताए ।
