नेविसंघ अध्यक्ष दुजाङ शेर्पाको कर्तुत, एकैदिन त्रिवि सभापतिमा ३ जनालाई मनोनयन !
कागजपत्र |
काठमाडौं — पछिल्लो समय संगठन विस्तारको क्रममा मनोमानी गर्दै आएका नेपाली कांग्रेसको भातृ संगठन नेपाल विद्यार्थी संघका अध्यक्ष दुजाङ शेर्पाको अर्को कतुर्त सार्वजनिक भएको छ ।
नेविसंघ सभापति शेर्पाले त्रिभुवन विश्वविद्यालय इकाई सभापतिको एकै पदमा तीन जनालाई मनोनीत गरेको पत्र सार्वजनिक भएपछि उनले मनोनयनमा गैरकानुनी काम गरेको सार्वजनिक भएको हो ।
नेविसंघ केन्द्रीय अध्यक्ष शेर्पाले त्रिवि सभापतिमा विष्णुबहादुर बडैला, दीपकराज जोशी र गणेश भण्डारीलाई अध्यक्षको जिम्मेवारी दिएको व्यहोराको पत्र सार्वजनिक भएको हो ।
एकैदिन तीन जनालाई सभापति मनोनीत गरेर पठाइएको पत्रको औचित्य नरहेको भन्दै शेर्पाले तीनै जना अब नेविसंघको त्रिवि सभापति नरहेको बताए ।
चैत ७ गतेको मिति र अध्यक्ष शेर्पाको हस्ताक्षर भएको पत्रमा तीन महिनाभित्र समितिको अधिवेशन सम्पन्न गर्ने गरी विश्वविद्यालय समितिको अध्यक्षको जिम्मेवारी दिइएको उल्लेख छ ।
त्रिवि केन्द्रीय क्याम्पसको स्ववियु निर्वाचनमा विष्णु र दीपकले आधिकारिक उम्मेदवार श्यामराज ओझाविरुद्ध उम्मेदवारी दिएका थिए । तर पछि ओझालाई सघाउने गरी उनीहरुले बागी उम्मेदवारी फिर्ता लिएका थिए ।
ओझा स्ववियु सभापतिमा निर्वाचित भएलगत्तै विष्णु र दीपकसँगै गणेश भण्डारीलाई अध्यक्षको जिम्मेवारी दिइएको पत्र सार्वजनिक भएको हो ।
सगठन विस्तारको नाममा जिल्ला तथा विभिन्न तहमा मनोनयन गर्ने क्रममा असन्तुष्टी जनाउँदै आएका विभिन्न जिल्लका कांग्रेस जिल्ला सभापतिहरुले शेर्पाको राजीनामा माग्दै पार्टी सभापति शेरबहादुर देउवासमक्ष पत्र समेत बुझाइसकेका छन् ।
