बेटिससँग बराबरीमा रोकियो रियल मड्रिड

मड्रिड । साबिक विजेता रियल मड्रिड रियल बेटिससँग गोलरहित बराबरीमा रोकिएको छ ।

बराबरीमा रोकिएसँगै रियल शीर्ष स्थानमा रहेको बार्सिलोनाभन्दा ९ अंकले पछि परेको छ ।

खेलमा रियलले नियन्त्रण बनाए पनि गोल गर्नबाट भने चुकेको थियो । विपक्षीको पोस्टमा ५ पटक प्रहार गरे पनि रियलले त्यसलाई जाली चुमाउन सकेन ।

आइतबार राति नै भएको खेलमा बार्सिलोनाले भ्यालेन्सियालाई १–० गोलले हराएको थियो । २४ खेलपछि बार्साको ६२ अंक रहेको छ भने रियल ५३ अंकमा सीमित छ ।