लामिछानेविरुद्ध फैसला आएसँगै रास्वपाको बैठक अनिश्चितकालका लागि स्थगित

काठमाडौं – सर्वोच्च अदालतले रवि लामिछानेको संसद खारेज भएसँगै उनी अब उपप्रधान तथा गृहमन्त्री रहेनन्। यसको असर उनी सभापति भएको दल राष्ट्रिय स्वतन्त्र पार्टीमा समेत परेको छ।

माघ १० गतेका लागि सबै प्रदेशमा तय गरिएका प्रदेश समितिहरूका विस्तारित बैठकलगायत सबै कार्यक्रम अनिश्चितकालका लागि स्थगित भएको रास्वपाले जनाएको छ।

पार्टीका प्रवक्तासमेत रहेका महामन्त्री डा मुकुल ढकालले शुक्रबार साँझ एक विज्ञप्ति जारी गर्दै विशेष परिस्थितिका कारण स्थगित भएको जनाएका छन्।

लामिछानेविरुद्ध दायर भएको रिट जारी गर्दै सर्वोच्चले उनको सांसद पद खारेज हुने फैसला शुक्रबार सुनाएको हो। यससँगै उनको उपप्रधान तथा गृहमन्त्री पदसमेत स्वतः खारेज भएको हो।