वीर अस्पतालमा ‘डमरु आतंक’, आफ्नो कर्तुत लुकाउन निर्देशकलाई दोष !

काठमाडौं – केही सिमीत कर्मचारीहरुको हालीमुहाली रहने भन्दै सञ्चामाध्यममा समाचार आईरहने वीर अस्पतालको खरिद इकाईका केही कर्मचारी आफ्नो अनियमितता लुकाउन अस्पतालका निर्देशकलाई दोष दिन थालेका छन् ।

विगत लामोसमयदेखि अस्पतालबाट माग गरिएको टेण्डर प्रक्रियादेखि नै अनियमितता गर्दै सीमित व्यक्ति एवं संस्थाहरुलाई लाभ हुने गरि कार्य गर्दै आएका खरिद ईकाईका कर्मचारीहरुले टेण्डर प्रक्रियामा भ्रष्टाचार भएको भन्दै छानबिन गर्न लागिएपछि निर्देशकलाई नै दोष दिन थालेका हुन् ।

भ्रष्टाचार काण्ड लागेर रोशी गाउँपालिकादेखि वीर अस्पतालको खरिद ईकाईमा सरुवा भए आएका शाखा अधिकृत डमरु दाहालसहितको टिमले मेडिकल, सर्जिकल, केमिकल, सरसफाइलगायत टेन्डर आफुनिकट ब्यापारीलाई पार्ने र अनियमितता गर्दै आइरहेको कर्मचारीहरु सुनाउँछन् ।

वीर अस्पताल स्रोतका अनुसार,यी विभिन्न टेन्डर आह्वानहरु गर्नु अघि नै ब्यापारीसँग बाहिर होटलमा बसेर लागत अनुमान बनाउने र उनीहरुकै स्पशिफिकेसन अनुसार टेन्डर निकाल्ने र महंगोमा टेन्डर हाल्न लगाई गुणस्तरहीन सामाग्री अस्पताल भित्र्याउने गर्दै आएका छन् ।

अस्पतालले १० बटा जम्मा ५ करोडको ओटी लाइट र ओटि टेलर IFB No: NAMS/NCB/78/79/43 को टेन्डर आह्वान आह्वान गरेको थियो सो टेन्डर आह्वान अगाडि अस्पतालले स्पेक बनाउन डमरूकै योजनामा युरोलोजी विभागका डा. अनिल श्रेष्ठलाई जिम्मा दिइएको थियो । उनले स्पेफिकेशन बनाउदा कमिसन दिने KLS Martin लाई मात्र हुने गरी टेन्डर पाउने गरी स्पेशिफिकेसन बनाएपछी हाल सर्जिकल उपकरण बजारमा बिवाद शुरू भएको छ ।

अन्य ब्यापारीहरुले आफूहरूलाई टेन्डर फाराम भर्न नपाउने गरी स्पेफिकेशन बनाएको भन्दै डा. श्रेष्ठ, डमरुलगायत विरुद्ध अख्तियार, स्वास्थ्य मन्त्रालय, सम्पति शुद्धीकरण, र सार्वजनिक खरिद अनुगमन कार्यालयमा उजुरी दर्ता भइसकेको छ ।

यस्का अलवा अस्पतालले प्रि-बिड मिटिङ राखेर सबै ब्यापारीको राय समेत बुझेको थियो सो मिटिङको सुझाब विपरीत डा. श्रेष्ठ र डमरुले पुन आफ्नै फर्मलाई हुने गरी केही बुँदा थप गरेपछी अस्पतालको टेन्डर झनै बिवादित बन्न पुगेको छ ।

युरोलोजी विभागको ४ करोडको सामानमा समेत डा. श्रेष्ठ र डमरुले टेन्डर हुनुभन्दा पहिले नै ब्यापारीसँग कमिसन लिँदै होटल होटलमा गएर स्पेसिफिकेसन बनाएर अस्पताल प्रशासनलाई दवाव दिई सोही अनुसार टेन्डर आह्वान गरेको आरोप छ ।

त्यस्तै उनीहरूले डाईलासिसको सामानमा व्यापारीसँग प्रतीमहिना १ लाख रूपैयाँ लिने गरेको समन्धित व्यापारी नै बताउँछन् । डमरुले सर्जिकल सामान र प्रोपटाइरि सामानमा समेत करोडौं कमिसन लिएको दाबी गरेका छन् । अहिले उनले ‘सरकार निकट हुँ’ भन्दै अस्पतालमा थर्काउने र सबै सामान आफुनिकटसँग मात्र खरिद गरी करोडौ कमिसन लिने गरेको हुनसक्ने एक कर्मचारी बताउँछन् । ‘एक किसिमले पछिल्लो समय डमरूले वीर अस्पतालमा आतंक नै मच्चाएका छन्,’ उनले गुनासाे पोखे ।