भ्रष्टाचार मुद्दा लागेका सांसद टेकबहादुर गुरुङ निलम्बित

काठमाडाैं – प्रतिनिधिसभा सदस्य टेकबहादुर गुरुङ निलम्बनमा परेका छन् । संघीय संसद सचिवालयले उनी निलम्बनमा परेको विज्ञप्ति जारी गरेर जानकारी दिएको छ ।

गुरुङविरुद्ध अख्तियार दुरुपयोग अनुसन्धान आयोगले विशेष अदालतमा दायर गरेको भ्रष्टाचारसम्बन्धी मुद्दा विचाराधीन रहेकाले उक्त मुद्दाको किनारा नलागेसम्मका लागि निलम्बन गरिएको संसद् सचिवालयले जानकारी दिएको छ ।

गत मंसिर ४ गते सम्पन्न निर्वाचनमा गुरुङ मनाङबाट प्रतिनिधिसभामा प्रत्यक्षतर्फ निर्वाचित भएका थिए ।