सरकार गठनका लागि राष्ट्रपतिले दिएको समयावधि आज सकिँदै, थप समय माग्ने गठबन्धनको तयारी
कागजपत्र |
काठमाडौं — सत्तारुढ गठबन्धनले सरकार गठनका लागि राष्ट्रपति विद्यादेवी भण्डारीबाट पाएको समयावधि आज सकिँदैछ ।
गठबन्धनको शनिबार बसेको बैठकले राष्ट्रपति भण्डारीसँग सरकार गठनका लागि थप समय माग्ने तयारी गरेको छ ।
संविधानले धारा ७६ (२) अनुसार राष्ट्रपतिले दिएको समय आज सकिँदै छ । सो समयभित्र गठबन्धनले सरकार बनाउन सहमति जुटाउन नसक्ने भएपछि थप समय माग्ने तयारी गरेको हो ।
संविधानले प्रतिनिधिसभा सदस्यको परिणाम आएको एक महिनाभित्र गठनको आह्वान गर्न भनेको छ । सोही अनुसार गठबन्धनले राष्ट्रपतिबाट पाएको १० दिनको समय आज सकिँदै छ ।
बालुवाटारमा जारी गठबन्धन बैठकमा प्रधानमन्त्री शेरबहादुर देउवाले छलफल जारी राख्ने र राष्ट्रपतिसँग थप समय माग्न आग्रह गर्ने शीर्ष नेताहरूलाई भनेका छन् ।
गठबन्धनमा रहेका दलहरू नेपाली कांग्रेस र नेकपा माओवादी केन्द्रले प्रधानमन्त्री दाबी गरेपछि सहमति जुट्न सकेको छैन ।
माओवादीले सरकारको नेतृत्व आफूले गर्नुपर्ने बताउँदै आएको छ । पहिलो दल भएका कारण कांग्रेसले पनि आफ्नो दाबी कायम नै राखेको छ ।
