नुवाकोटमा पिकअप दुर्घटना, चालकको उद्धार
कागजपत्र |
नुवाकोट – नुवाकोटको गुरुङगाउँमा बोलेरो पिकअप दुर्घटनामा परेको छ।
दुर्घटनामा परेका चालकको सकुशल उद्धार गरिएको छ। चालक काभ्रे भुम्लु गाउँपालिका १ का ३२ वर्षीय सुवास रिजालको उपचारका लागि काठमाडौं पठाइएको छ।
सदरमुकाम विदुरदेखि ४५ किलोमिटर पूर्वमा रहेको शिवपुरी गाउँपालिका-७ चाँपबोट नजिकै गुरुङगाउँमा बेलुकी नुवाकोटको छहरेबाट काठमाडौंतर्फ जौदै गरेको बा१३च ६७७५ नम्बरको बोलेर पिकअप सात मिटर तल भीरमा खसेर दुर्घटना भएको हो।
आलु र पराल बोकेको गाडीमा एक जना चालकमात्रै रहेको नुवाकोट प्रहरी प्रमुख प्रहरी उपरीक्षक रमेश पण्डितले जानकारी दिए।
