सरकार गठनका विषयमा देउवा र माधव नेपालबीच भेटवार्ता
कागजपत्र |
काठमाडाैं – प्रधानमन्त्री तथा कांग्रेस सभापति शेरबहादुर देउवा र नेकपा एकीकृत समाजवादीका अध्यक्ष माधवकुमार नेपालबीच शनिबार भेटवार्ता भएको छ । शनिबार दिउसो प्रधानमन्त्री निवास बालुवाटारमा उनीहरूबीच छलफल भएको हो ।
छलफलमा नयाँ सरकार गठनका विषयमा कुरा भएको जनाइएको छ । माधव नेपालसँग छलफल गर्नुअघि देउवाले नेकपा माओवादी केन्द्रका अध्यक्ष पुष्पकमल दाहाल प्रचण्ड छलफल गरेका थिए ।
प्रचण्डले प्रधानमन्त्रीमा दाबी गरेपछि सत्ता गठबन्धनमा नयाँ सरकार गठनको विषयले सफलता पाउन सकेको छैन । सबैभन्दा ठूलो पार्टी भएकाले कांग्रेसले पनि प्रधानमन्त्रीमा दाबी गरेको छ । तर, प्रचण्डले पनि आफूले सरकारको नेतृत्व गर्न पाउनुपर्ने अडान राख्दै आएका छन् ।
