छाेरीहरूसहित किन सुकुटे पुगे प्रचण्ड ?


काठमाडौं – नेकपा माओवादी केन्द्रका अध्यक्ष पुष्पकमल दाहाल प्रचण्ड सिन्धुपाल्चोकको सुकुटे पुगेका छन् । मंसिर ४ गते सम्पन्न आम निर्वाचनको लामो दाैडधुप सकेर दाहाल छाेरीहरु रेणु दाहाल र गंगा दाहालसहित सुकुटे पुगेका हुन् ।

प्रचण्डका साथमा निवर्तमान सभामुख अग्निप्रसाद सापकोटा पनि सुकुटे पुगेका छन् । निर्वाचनको नतिजा आउने क्रममा अन्तिम चरणमा पुगेका बेला प्रचण्ड आफूनिकटका नेता सापकोटासहित सुकुटे जानुलाई अर्थपूर्ण रुपमा लिइएको छ ।

उनी राजनीतिक तनाव कम गर्न, पार्टीका दस्तावेज लेखन वा कुनै महत्वपूर्ण निर्णय गर्नुअघि सुकुटे पुग्ने गर्दछन् । प्रचण्डलाई सिन्धुपाल्चोक १ बाट निर्वाचित सांसद माधव सापकोटा सुवोधलगायतका पार्टीका नेता कार्यकर्ताले स्वागत गरेका थिए ।

सुकुटे पुगे लगत्तै उनले र्‌याफ्टिङ गरेका छन् । उनी आज सुकुटेमै बस्ने बताइएको छ ।

प्रतिक्रिया