आगामी निर्वाचनमा दुई लाख ४६ हजार ९ सय कर्मचारी खटिँदै
कागजपत्र |
काठमाडौं – आगामी प्रतिनिधिसभा र प्रदेशसभाको निर्वाचनका लागि दुई लाख ४६ हजार ९ सय कर्मचारी खटिने भएका छन्।
निर्वाचन आयोगले निर्वाचनमा देशभरि दुई लाख ४६ हजार ९ सय कर्मचारी खटाउन लागेको हो। आयोगका उपसचिव कमल ज्ञवालीले यो संख्या सुरक्षा निकायबाहेकको रहेको बताए।
केन्द्रीय कार्यालय, प्रदेश कार्यालय, ७७ वटा निर्वाचन कार्यालय, मुख्य निर्वाचन र निर्वाचन अधिकृतको कार्यालय र मतगणना कार्यका लागि कर्मचारी खटिनेछन्। आयोगका उपसचिव ज्ञवालीले कर्मचारी नियुक्ति भइसकेको बताए।
