इन्डोनेसियाले १३३ जनाको मृत्यु भएको रंगशाला भत्काउने

काठमाडौं – इन्डोनेसियाका राष्ट्रपति जोकोविडोडो केही दिनअघि भागदौडमा १३३ जनाको ज्यान गएको फुटबल रंगशाला भत्काएर पुनर्निर्माण गर्ने बताएका छन् । विश्व फुटबलको प्रशासकीय निकाय फिफाका प्रमुख जियानी इन्फान्टिनोसँग भेटपछि पत्रकारसँगको कुराकानीमा राष्ट्रपति विडोडोले यस्तो घोषणा गरेका हन् ।

‘हामी मलङस्थित कान्जुरुहान रंगशालालाई भत्काउनेछौँ र फिफाको मापदण्ड अनुसार पुनर्निर्माण गर्नेछौं,’ जोकोवीले भने ,‘हामी इन्डोनेसियाली फुटबललाई पूर्ण रूपले रूपान्तरण गर्न सहमत भएका छौं ।’

अक्टोबर १ मा पूर्वी जाभा प्रान्तको मलंग सहरस्थित कान्जुरुहान स्टेडियममा घरेलु क्लब अरेमा फुटबल क्लब र पर्सेबाया सुराबायाबीच खेल भएको थियो । घरेलु क्लबको हारपछि विपक्षी समर्थकहरु झडप हुने डरमा हतारमा रंगशालाबाहिर खोज्दा त्यस दिन दुर्घटना भएको थियो ।

घटनामा ४० भन्दा बढी नाबालिगहरू सहित धेरैको निसासिएर मृत्यु भएको थियो । अनुसन्धान पछि, अधिकारीहरूले गत हप्ता जारी गरेको रिपोर्टमा घटनाको पछाडिको प्रमुख कारण पुलिसले स्टेडियममा अश्रु ग्यासको प्रयोग रहेको बताएको छ । फिफाले रंगशालाभित्र भिड नियन्त्रण गर्न अश्रु प्रयोगलाई प्रतिबन्ध गरेको छ ।

डरलाग्दो दर्शकहरू बाहिर निस्कने गेटहरूमा दौडिएपछि चोकिङ ग्यासको बादलले भागदौड मच्चायो, जसलाई धेरै प्रत्यक्षदर्शीहरूले अल जजीरालाई या त ताला लगाएको वा पुलिसले अवरुद्ध गरेको बताए। रंगशालामा पहिले भिडमा धेरै समर्थक जम्मा भएको समयमा प्रहरीले अश्रुग्यास प्रयोग गर्दा धेरै मानिस आतङ्कीत भएर गेटतर्फ दौडिएका थिए ।

प्रत्यक्षदर्शीका अनुसार प्रहरीले त्यस समय गेटसमेत बन्द गरेर राखेका थिए । प्रतिवेदनले दुर्घटनाको अन्य कारकहरु पनि पहिचान गरेको छ, जसमा स्टेडियम क्षमताभन्दा बढी भरिएको, बाहिर निस्कने ढोका बन्द गरिएको र प्रहरीले सुरक्षाको लागि खेल दिउसोको समयमा राख्न आग्रह गरे पनि लिग अधिकारीहरूले प्रसारण राम्रो आउने भन्दै रातमा खेल गराएकोजस्ता कारण समावेश छन् ।

जोकोवीले इन्डोनेसियामा खेलकुदलाई व्यवस्थित गर्नको लागि महत्वपूर्ण परिवर्तनहरूका लागि इन्फान्टिनोसँग सहमति जनाएको बताए । दुई जनाले इन्डोनेसिया र फिफाले स्टेडियममा भएको दुःखद घटनालाई मध्यनजर गर्दै संयुक्त कार्यदल गठन गर्ने बताए ।

अर्को वर्ष अण्डर ट्वन्टी( यु–२०) विश्वकप आयोजनाको लागि तयारी गरिरहेको बेला यस्तो दुरघटना भएपछि दुईबीचको भेटवार्ता भएको हो । जोकोवीसँगै पत्रकारका सामु उपस्थित भएका इन्फान्टिनोले फिफाको पहिलो प्राथमिकता खेलाडी र समर्थकको सुरक्षा सुनिश्चित गर्नु रहेको बताए ।

‘यो एक फुटबलप्रेमी मुलुक हो, जहाँका झण्डै १० करोड मानिसहरुको लागि फुटबल एक ‘प्यासन’ हो । र फुटबल दर्शकहरुको सुरक्षा प्रत्याभूत गर्नु हाम्रो कर्तव्य हो ,’ इन्फान्टिनोले भने । उनले त्यस समय इण्डोनेशिसाका सबै रंगशालाहरूको सुरक्षा सुनिश्चित गर्न सरकारसँग मिलेर काम गर्ने बताए ।