आज प्रतिनिधिसभा बैठक बस्दै

काठमाडौं — प्रतिनिधि सभा संसदको बैठक आज बस्दै छ । बैठक बिहान १० बजे संघीय संसद् भवन नयाँ बानेश्वरमा बस्न लागेको हो ।

आजको बैठकमा ‘बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन) विधेयक, २०७९’ लाई प्रस्तुत गर्न अनुमति माग्ने प्रस्तावमाथि प्रेम सुवालले प्रस्तुत गरेको विरोधको सूचनालाई निर्णयार्थ प्रस्तुत गर्ने सम्भावित कार्यसूची रहेको छ ।

संसद सचिवालयका अनुसार कानुन, न्याय तथा संसदीय मामिला मन्त्री गोविन्द प्रसाद शर्मा कोइरालाले ‘बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन) विधेयक, २०७९’ बैठकमा प्रस्तुत गर्ने सम्भावित कार्यसूची रहेको छ ।

यसअघि हिजो सोमबार बसेको बैठक प्रतिनिधि सभा संसद प्रदीप गिरीको निधनप्रति शोक प्रस्ताव पारित गर्दै सकिएको थियो ।