एन्फाको महासचिवमा राई र कोषाध्यक्षमा जोशी नियुक्त
कागजपत्र |
काठमाडौँ- अखिल नेपाल फुटबल संघ (एन्फा)को महासचिवमा किरण राई र कोषाध्यक्षमा रवीन्द्रमान जोशी नियुक्त भएका छन्।
बुधबार बसेको नवनिर्वाचित एन्फा कार्यसमितिको पहिलो बैठकले राईलाई महासचिव र जोशीलाई कोषाध्यक्ष नियुक्त गरेको हो। यसअघि एन्फाका नवनिर्वाचित अध्यक्ष पंकज नेम्बाङले कार्यभार ग्रहण गरेका थिए।
नेम्बाङ सोमबार सम्पन्न २१ औं साधरणसभाबाट तत्कालीन अध्यक्ष कर्माछिरिङ शेर्पालाई ६ मतले हराउँदै अध्यक्षमा निर्वाचित भएका थिए। राई पछिल्लो कार्यसमितिमा प्रवक्ता थिए।
