बुढिगंगा नगरपालिकामा असार २३ गते निर्वाचन

बाजुरा – बैशाख ३० मा हुन नसकेको बाजुरा बुढिगंगा नगरपालिकाको स्थानीय हत निर्वाचन असार २३ गते हुने भएको छ ।

बिहीबार जिल्ला प्रशासन कार्यालय बाजुरामा राजनीतिक दलका प्रतिनिधि, मुख्य निर्वाचन अधिकृत, प्रमुख जिल्ला अधिकारी, सुरक्षा निकायका प्रमुखसहितको सहभागितामा सर्वदलीय बैठक बसेर निर्वाचनको मिति तय भएको हो ।

बुढीगंगामा बैशाख ३० गते निर्वाचन भएका १० वडामध्ये ६ वटामा विवाद भएको थियो । यी ६ वटै वडाका मतदानस्थलमा झडप, उम्मेदवारमाथि कुटपिट र मतदाता लखेटिएका थिए ।