ललितपुरको मेयरमा कांग्रेसका चिरिबाबुको जित पक्का, गणना गर्न बाँकी मतभन्दा अग्रता मत धेरै

काठमाडौं- ललितपुर महानगरपालिकामा अहिलेसम्म ७९ हजार ८६३ मत गणना सकिएको छ । ८५ हजार ८६१ मत खसेको ललितपुर महानगरपालिकाको प्रमुखमा हालसम्म कांग्रेसका चिरिबाबु महर्जनले ३९ हजार २३२ मत ल्याएका छन् भने एमालेका हरिकृष्ण ब्यन्जनकारले २३ हजार ४९२ मत ल्याएका छन् ।

यस्तै उपप्रमुखतर्फ एमालेकी मन्जली शाक्यले २३ हजार ७३१ मत ल्याउँदा गठबन्धनका तर्फबाट माओवादी केन्द्रका उमेदवार बाबुराज बज्राचार्यले १७ हजार २६३ मत ल्याएका छन् । ललितपुर महानगरपालिकामा अहिले २७ र २८ काे मतगणना जारी छ भने २९ काे गणना तयारी भइरहेको छ । जम्मा ५ हजार ९९८ मत गन्न बाँकी रहेकाे र रातिसम्म अन्तिम मतपरिणाम आउने बताइएको छ।