राष्ट्रसङ्घका महासचिव रुस र युक्रेन जाने
कागजपत्र |
काठमाडौं – राष्ट्रसङ्घका महासचिव एन्टोनियो गुटेरस युद्ध अन्त्यका लागि रुस र युक्रेन जाने भएका छन्। उनी पहिला यही अप्रिल २६ मा रुस जाने र २८ मा युक्रेन जाने तय भएको सरकारी अधिकारीहरूले जानकारी दिएका छन्। उनलाई दुबै देशमा राष्ट्रपतिले स्वागत गर्ने जनाइएको छ।
रुसमा गएका बेला उनले राष्ट्रपति भ्लादिमिर पुटिन र विदेशमन्त्री सेर्गेइ लाभ्रोभलाई भेटेर युक्रेनमाथिको आक्रमण रोक्न आग्रह गर्ने भएका छन्।
महासचिव गुटेरसका सहायक प्रवक्ता एरी कानेकोले दुवै जनासँग वार्ताका लागि उनी मस्को जान लागेको पुष्टि गरेका हुन्। दुवै जनासँग एकै दिन भेटवार्ता हुने पनि उनले स्पष्ट पारे।
त्यसपछि उनी युक्रेन पुगेर त्यहाँका उच्च अधिकारीहरूसँग भेटवार्ता गर्नेछन्। गत मङ्गलबार महासचिव गुटेरसले चार दिन बिदा दिन दुबै पक्षलाई अनुरोध गरेका थिए।
उनले शान्ति प्रक्रिया अगाडि बढाउनका दुवै देशका उच्च अधिकारीहरूलाई अनुरोध गरी वार्तामार्फत् विवाद अन्त्य गर्न पहल गर्नेछन्। युक्रेनमा उनले राष्ट्रपति भोलोदिमिर जेलेन्स्कीलाई र विदेशमन्त्री दिमित्रो कुलेबालाई भेट्ने कार्यक्रम रहेको छ।
