नारायणी नदीमा बेपत्ता न्यौपानेको शव गाँजीपुरमा भेटियो

चितवन – नारायणी नुहाउने क्रममा तनहुँको देवघाट संगमबाट बेपत्ता भएका साकार न्यौपानेको शव फेला परेको छ।

वडा प्रहरी कार्यालय नारायणगढको बिपद ब्यबस्थापन टोलीले भरतपुर-१८ को गाँजीपुरस्थित नारायणी नदिमा शव फेला पारेको जिल्ला प्रहरी कार्यालय चितवनका प्रबक्ता डिएसपी नरहरी अधिकारीले जानकारी दिए।

अधिकारीका अनुसार भरतपुर-२१ का २० बर्षका न्यौपानेको शव नारायणी नदिमा किनारमा तैरिरहेको अबस्थामा मंगलबार ४: ३० बजेको समयमा प्रहरीले फेला पारेको हो। घटनास्थलमा शवको मुचुल्का सहितको प्रक्रिया पुरागरी पोस्टमार्टमको लाग भरतपुर अस्पताल पठाइको प्रहरीले जनाएको छ।

वैशाख १ गते आफन्तहरुसँग तनहुँको देवघाटस्थित संगममा स्नान गर्न गएका न्यौपाने नारायणीमा नुहाउने क्रममा बेपत्ता भएका थिए।