लोकन्थलीमा शववाहन र मोटरसाइकल आपसमा ठोक्किएर दुर्घटना, चालक घाइते

काठमाडौं – भक्तपुरको लोकन्थलीमा शववाहन र मोटरसाइकल ठोक्किएर दुर्घटना हुँदा मोटरसाइकल चालक घम्भिर घाइते भएका छन् । सव वाहनमा ठोक्किएपछि मोटरसाइकलमा आगो लागेको छ । दुर्घटनामा घाइते भएका मोटरसाइकल चालकको समिट अस्पतालमा उपचार भइरहेको प्रहरीले जनाएको छ ।

सिन्धुपाल्चोकबाट शव लिएर पशुपतिस्थित आर्यघाट आउँदै गरेको प्रदेश ३–०१ ०२३ च २३५६ नम्बरको शववाहन र विपरीत दिशामा रहेको बा ५२ प ५३८५ नम्बरको मोटरसाइकल आज बिहान करिब साढे ९ बजेतिर ठोक्किएर दुर्घटना भएको थियो ।

आगोमा जलेर मोटरसाइकलमा पूर्णरुपमा क्षति पुगेको छ ।