पाेखराबाट कार्यकर्तालाई प्रचण्डकाे निर्देशन : गठबन्धन होला, चुनाव जितौँला भनेर नबसौँ
कागजपत्र |
काठमाडौँ – नेकपा माओवादी केन्द्रका अध्यक्ष प्रचण्डले आगामी वैशाख ३० गते हुने स्थानीय तहको निर्वाचनमा गठबन्धनको धेरै आश नगर्न आफ्ना नेता कार्यकर्तालाई सुझाव दिएका छन्।
चुनावकेन्द्रित अभियानमा रहेका प्रचण्डले आइतबार बिहान पोखरामा आयोजित पत्रकार सम्मेलनमा आफ्नै बलमा चुनाव जित्नेगरी तयारी गर्न पार्टी नेता कार्यकर्तालाई निर्देशन दिएका हुन्।
पार्टीमा जोड गरेर भनेको कुरा के हो भने गठबन्धन होला, त्यहीबाट जितौंला भनेर बसेर हुँदैन, आफ्नै शक्ति र बलमा जित्ने हो’, उनले भने, ‘आफ्नै बलमा चुनाव लड्ने कुरालाई ध्यानमा राख्दै तालमेल गर्ने कुरालाई पनि उपयोग गर्नुपर्छ।’
