प्रधानमन्त्री देउवालाई भेट्न बालुवाटार पुगे प्रकाण्ड

काठमाडौं – नेपाल कम्युनिष्ट पार्टीका प्रवक्ता खड्ग विश्वकर्मा प्रकाण्ड प्रधानमन्त्री शेरबहादुर देउवालाई भेट्न बालुवाटार पुगेका छन्।

सरकारसँग भएको तीन बुँदे सहमति कार्यान्वयन लगायत विषयमा छलपल गर्न विप्लव नेतृत्वको कम्युनिष्ट पार्टी प्रवत्ता प्रकाण्ड आज बिहान प्रधानमन्त्रीनिवास बालुवाटार पुगेका हुन् । भेटमा सरकारसँग भएको तीन बुँदे सहमति कार्यान्वयनसम्बन्धी बन्दी रिहा गर्ने र नेता कार्यकर्ताको मुद्दा खारेजीको विषयमा छलफल भएको नेता विश्वकर्माले जनाकारी दिए।

आजको भेटमा रिहा हुन बाँकी रहेका बन्दीहरूलाई र मुद्दा खारेज हुन बाँकी रहेका विषयलाई छिट्टै टुङ्ग्याउने सहमति भएको उनको भनाइ छ। भेटमा सरकारको तर्फबाट प्रधानमन्त्रीसँगै गृहमन्त्री बालकृष्ण खाँण र गृहसचिव टेकनारायण पाण्डेको पनि सहभागिता रहेको थियो।