स्कुटरको ठक्करबाट भारतीय नागरिकको मृत्यु

 काठमाडौं – काठमाडौंमा स्कुटरको ठक्करबाट एकजनाको मृत्यु भएको छ ।

काठमाडौंको गोकर्णेश्वर नगरपालिका ९ शिवपुर चोकमा शनिबार साँझ बा ६५ प ५३५२ स्कुटरको ठक्करबाट भारतीय नागरिक विरेन्द्र महतोको मृत्यु भएको हो ।

भारतको बिहार घर भई हाल गोकर्णेश्वर नगरपालिका ९ अत्तरखेल बस्ने ३८ वर्षीय महतो पैदल हिँडीरहेको बेलामा उक्त स्कुटरले ठक्कर दिँदा घाइते भइ अस्पताल लगिएकोमा उपचारका क्रममा मृत्यु भएको जनाइएको छ ।

बा ६५ प ५३५२ नम्बरको स्कुटरको ठक्करबाट गम्भीर घाइते भएका महतोको उपचारको क्रममा अत्तरखेलस्थित नेपाल मेडिकल कलेजमा मृत्यु भएको प्रहरी वृत्त बौद्धले जनाएको छ।

हिजो बेलुकी सवा ७ बजे भएको दुर्घटनामा संलग्न स्कुटर चालकलाई प्रहरीले नियन्त्रणमा लिएको छ।