रक्सीकाे मातमा प्रहरी हवल्दारले ७० वर्षका वृद्धलाई मरणासन्न हुने गरी कुटेपछि . . .

काठमाडौं – बझाङमा शत्ता र शक्तिको आडमा  प्रहरी हवल्दारले एक जना वृद्धलाई मरणासन्न हुने गरी कुटेका छन् । जिल्ला प्रहरी कार्यालय बझाङमा कार्यरत प्रहरी हवल्दार हर्जित लुहारले मष्टा गाउँपालिका – ४ का ७० बर्षका जोगिरी बहादुर कठायतलाई निर्घात कुटपिट गरेका हुन् ।

कडायतलाई प्रहरी हवल्दार लुहारले बझाङ जिल्लाकाे सदरमुकाम चैनपुर बजारमा कुटपिट गरेका हुन्। स्थानीयका अनुसार प्रहरी हवल्दार रक्सिले मातेको बताएका छन् । कुटपिटपछि बेहोस भएका कठायतालाई जिल्ला अस्पताल सिमखेतमा भर्ना गरिएको छ । उक्त घटनामाथि छानबिन गरी प्रहरी हबल्दार लुहारलाई नियन्त्रणमा लिइएको बझाङका डिएसपी ज्ञान बहादुर विष्टले जानकारी दिए ।