सर्लाहीका सीडीओ र एसपीलाई कोरोना

काठमाडाैँ – सर्लाहीका प्रमुख जिल्ला अधिकारी थानेश्वर गौतम र प्रहरी उपरीक्षक  कृष्ण प्रसाईलाई कोभिड १९ संक्रमण पुष्टी भएको छ।

पीसीआर परीक्षणका क्रममा सीडीओ र एसपी दुबैलाई कोरोना पुष्टि भएको हो। सीडीओ र एसपी दुबैलाई कोभिड भएपछि कार्यालयको कामसमेत प्रभावित बनेको छ।

कोभिड पुष्टि भएपछि सोमबार साँझदेखि गौतम र प्रसाई दुबै होम आइसोलेसनमा बसेका छन्। उनीहरुको स्वास्थ्य अवस्था सामान्य छ।

गौतमलाई यसअघि पनि दुईपटक कोरोना संक्रमित भई संक्रमणमुक्त भइसकेका व्यक्ति हुन्।