माधव नेपाल सर्वसम्मत संसदीय दलको नेता, राष्ट्रिय सभामा बेदुराम भुसाल
सरकारमा मन्त्री छान्ने जिम्मा नेता नेपाललाई
कागजपत्र |
काठमाडौं– नेकपा एकीकृत समाजवादी पार्टीको संसदीय दलको नेतामा अध्यक्ष माधवकुमार नेपाल सर्वसम्मत चयन भएका छन्। आइतबार बसेको संसदीय दलको बैठकले राष्ट्रिय सभाको नेतामा बेदुराम भुसाललाई पनि सर्वसम्मत चयन गरेको छ।
नेपाली कांग्रेसका सभापति शेरबहादुर देउवा नेतृत्वको सरकारमा सहभागी हुने तयारीमा रहेको एकीकृत समाजवादीका तर्फबाट मन्त्री छान्ने जिम्मा भने नेता नेपाललाई दिइएको छ।
संसदीय दलको बैठकलाई सम्बोधन गर्दै नेता नेपालले अहिलेको सत्ता गठबन्धनको सबैतिर बहुमत पुगेको दाबी गरेका थिए। उनले कुनै पनि पार्टीसँग अहिले एकता नहुने पनि घोषणा गरेका थिए।
